Մթերքի չորանոցներ՝ լավ տարբերակ է առողջ և համեղ սնվելու համար

Մթերքի չորացման սարքը թույլ է տալիս չորացնել՝ մրգերը, բանջարեղենը, դեղաբույսերը, սնկերը և այլ մթերքներ: Սա նրանց սննդային արժեքն ու համը երկար ժամանակ պահպանելու հիանալի միջոց է։ Չորացված մթերքները կարող են օգտագործվել՝ տարբեր ուտեստների, աղանդերի և խմիչքների պատրաստման համար:

Ինչպե՞ս է աշխատում մթերքի չորացման սարքը

Մթերքի չորանոցն աշխատում է մթերքից ջուրը գոլորշիացնելու սկզբունքով։ Այս գործընթացը երկարացնում է մթերքների՝ պահպանման ժամկետը, պահպանում է նրանց համը, սննդանյութերը և ստեղծում առողջ նախուտեստներ: Մթերքից խոնավությունը հեռացնելու համար տաք օդն անցնում է սարքի շարքերի միջով։

Չորանոցը բաղկացած է մաղերի մի քանի շարքերից (օրինակ՝ Lund 68271 չորանոցն ունի 5 շարք), որոնց վրա դրվում են մթերքները: Չորացման ժամանակը կախված է մթերիքի տեսակից և նրանց հաստությունից: Չորացման ավարտից հետո չորացրած՝ մրգերը, բանջարեղենը կամ սունկը դառնում են խրթխրթան և կարող են պահպանվել երկար ամիսներ:

Ի՞նչ մթերքներ կարելի է չորացնել չորանոցում

Չորացման սարքով կարելի է չորացնել գրեթե բոլոր մթերքները։ Բնանից պատրաստում են բանանի չիպսեր, իսկ չորացրած լոլիկը իդեալական է պահածոյացման համար (օրինակ՝ չորացրած լոլիկը յուղի մեջ):

Ահա մթերքների ցանկը, որոնք կարելի է չորացնել չորանոցում՝

• Մրգեր - խնձոր, բանան, տանձ, սալոր, ծիրան, դեղձ, մանգո, պապայա, արքայախնձոր, կիվի, ցիտրուսային մրգեր;
• Բանջարեղեն - գազար, ճակնդեղ, մաղադանոս, նեխուր, պղպեղ, լոլիկ, սմբուկ, ցուկկինի, դդում, ծնեբեկ, լոբի, ոլոռ;
• Դեղաբույսեր - եղեսպակ, ուրց, օրեգանո, ռեհան, սուսամբար, մաղադանոս, խնկունի, անանուխ, կիտրոնի բալասան;
• Սերմեր և ընկույզեղեն - դդում, արևածաղիկ, ընկույզ;
• Ծաղիկներ - վարդի թերթիկներ՝ թեյի և զարդարման համար;
• Այլ մթերքներ - սունկ, միս, ձուկ:

Ինչպե՞ս չորացնել մթերքը չորանոցում 
Չորանոցում մթերքները չորացնելիս պետք է հիշել մի քանի կանոն.

• Ընտրեք թարմ, առողջ մթերք։
• Չորացնելուց առաջ մանրակրկիտ լվացեք։
• Կտրեք շերտերով կամ փոքր կտորներով:
• Մթերքը մեկ շերտով դրեք չորանոցի շարքերում:
• Սահմանեք չորացման ջերմաստիճանը, որը համապատասխանում է ձեր ընտրած մթերքի տեսակին:
• Չորացման ժամանակը նույնպես կախված է մթերքի տեսակից: Ավարտեք չորացումը, երբ արդեն մթերքը չորացել է և փխրուն է:
• Պահպանեք չորացրած մթերքները զով, չոր տեղում:

Արժե իմանալ!

Որոշ մթերքներ, օրինակ՝ մրգերը կարելի է չորացնել առանց կեղևազրկման։ Իսկ բանջարեղենը, պետք է մաքրել կեղևը չորացնելուց առաջ: Նրանք նույնպես պետք է կտրվեն փոքր կտորներով կամ շերտով: Բայց խոտաբույսերը կարելի է ամբողջությամբ չորացնել:

Չորացման ջերմաստիճանը և ժամանակը կախված են մթերքի տեսակից։ Առավել հաճախ օգտագործվում են 40-60°C ջերմաստիճան: Մրգերն ու բանջարեղենը սովորաբար չորացնում են՝ 8-12 ժամ, իսկ դեղաբույսերը՝ 4-6 ժամ։ Որոշ չորանոցներ ունեն՝ ներկառուցված ժամանակաչափ չորացման հատուկ ժամանակ սահմանելու համար:

Ինչպե՞ս պահել չորացրած մթերքները

Չորացրած մթերքների ճիշտ պահեստավորումը կարևոր է՝ դրանց որակը, թարմությունն ու համը հնարավորինս երկար պահպանելու համար։ Հիմնականում պահեստավորման համար օգտագործում են հերմետիկ փակվող տարաներ։ Դա կկանխի՝ օդի, խոնավության և միջատների մուտքը, որոնք կարող են փչացնել մթերքը: Ziploc տոպրակները, որոնք թույլ են տալիս ամուր փակել և հեշտությամբ կարգավորել ձեր պահած սննդի քանակությունը, նույնպես լավ տարբերակ են պահեստավորման համար: Խուսափեք չորացրած մթերքները արևի լույսի հետ անմիջական շփման մեջ պահելուց: Պահեստավորման լավագույն միջավայրն այն է, որ ընտրեք չոր և սառը մառան կամ խոհանոցային պահարան: Եթե ձեռքի տակ ունեք վակուումային հերմետիկ սարք, ապա կարող եք նաև չորացրած մթերքները վակուումով փակել՝ օդի ազդեցությունը նվազագույնի հասցնելու համար:

Մթերքի չորացման առավելությունները
Հիմնական առավելությունը կայունության բարձրացումն է. չորացրած մթերքները կարող են երկար ամիսներ պահպանվել առանց կոնսերվանտների ավելացման: Այն նաև հեշտ է պահել, քանի որ շատ տեղ չի զբաղեցնում (մթերքը չորացնելով նվազում է նրա չափսը): Չորացման սարքը թույլ է տալիս չորացնել սեզոնային մթերքները, որը կարելի է պահել չոր վիճակում և ցանկացած պահի պատրաստ են օգտագործման համար: Նրանք իդեալական են որպես նախուտեստներ` ճանապարհին, էքսկուրսիաների ժամանակ, քանի որ դրանք թեթև են և հեշտ տեղափոխվող:

Բացի այդ, չորացած մթերքից դուրս է բերվում ջրի մի մասը, ինչի արդյունքում այն պարունակում է խտացված քանակությամբ` վիտամիններ, հանքանյութեր և սննդարար նյութեր: Եվ այս դեպքում մենք կարող ենք վստահ լինել դրանց աղբյուրի և բաղադրության մեջ՝ դրանք չեն պարունակում կոնսերվանտներ կամ արհեստական գույներ։

Կարևոր բնութագրեր, որ պետք է ուշադրություն դարձնել չորացման սարք գնելիս:

Ահա մի քանի կարևոր գործոններ, որոնք ազդում են սարքի՝ որակի, աշխատանքի և ֆունկցիոնալության վրա։

Տարողություն
Սարքի շարքերի քանակից է կախված, թե միանգամից որքան մթերք կարող եք չորացնել: Ավելի շատ շարքերով չորանոցները, իհարկե ավելի գործնականում հարմար կլինեն, եթե նախատեսում եք չորացնել մեծ քանակությամբ մթերքներ:

Հզորություն
Չորանոցի հզորությունը ազդում է չորացման ժամանակի վրա։ Ավելի բարձր հզորությունը նպաստում է՝ ավելի արագ և արդյունավետ չորացմանը:

Ջերմաստիճանի վերահսկման մակարդակ
Ընտրեք չորանոց, որն ունի ջերմաստիճանի լայն տիրույթ՝ տարբեր տեսակի մթերքների չորացման կարգավորումները հարմարեցնելու համար: