Ինչպե՞ս ընտրել անկյունահղկիչ՝ տան և աշխատանքի համար

Անկյունահղկիչը ձեռքի էլեկտրական գործիք է, որի հիմնական նպատակն է կտրել տարբեր ամուր նյութեր՝ մետաղ, բետոն, քար և այլն, ինչպես նաև դրանց մաքրումը և հղկումը: Այն հաճախ օգտագործվում է կենցաղային և շինարարական աշխատանքների ժամանակ։

Մարտկոցային անկյունահղկիչներն հարմար են ցանկացած պայմաններում աշխատելու համար, իսկ հզոր շարժիչի շնորհիվ այն կարող է աշխատել մեծ պտույտի ուժով։

Առորյա կյանքում վարպետներն անկյունահղկիչն անվանում են «Բալգարկա»։ Այս անվանումը  տարածում է ստացել, երբ Բուլղարիայից անկյունահղկիչի առաջին մոդելները սկսեցին ներմուծել ԽՍՀՄ։

Անկյունահղկիչի մասին կարելի է խոսել անվերջ և լսել հարյուրավոր տարբեր կարծիքներ։ Բայց երբ գալիս է անկյունահղկիչ գնելու պահը, երբեմն անգամ վարպետներն չեն կողմնորոշվում, որ մոդելն ընտրել։

Եվ իվերջո ինչպե՞ս ընտրել անկյունահղկիչ։

Ի՞նչ նյութեր կարելի է մշակել անկյունահղկիչով

Օգտագործելով անկյունահղկիչ կարող եք հեշտությամբ ստանալ՝ սալիկի կամ սալահատակի սալիկի ցանկալի ձևը, կտրել ասբեստացեմենտային սալիկ կամ խողովակ, սովորական աղյուս և թերթաքար: Անկյունահղկիչով կարելի է նաև մշակել ավելի փափուկ նյութեր, ինչպիսիք են՝ փայտը, նրբատախտակը և նմանատիպ այլ նյութեր:

Ինչից է բաղկացած անկյունահղկիչը

Անկյունահղկիչն ունի պարզ կառուցվածք, բայց ամենա կարևոր մասը շարժիչն է։ Սարքի շարժիչը փոխանցման մեխանիզմի միջոցով միացված է պտտվող լիսեռին, որի վրա կցվում են անհրաժեշտ կցորդները։

Անկյունահղկիչի հիմնական բաղադրիչներն են՝

1. Կրիչ
2. Ֆիկսատոր ադապտրի փոխարինման համար
3. շարժիչը փոխանցման մեխանիզմ
4. բռնակ
5. շարժիչ
6. պտույտների կարգավորիչ
7. հիմնական բռնակ
8. հոսանքի լար
9. անջատիչ
10. պաշտպանիչ պատյան
11. մանեկ
12. սկավառակ

Ինչպե՞ս է սկավառակի տրամագիծը ազդում անկյունահղկիչի ընտրության վրա

Անկյունահղկիչի հիմնական պարամետրերն են սկավառակի տրամագիծը, որի հետ գործիքն աշխատում է և սարքի հզորությունը: Սկավառակներն իրենց հերթին լինում են տարբեր տրամագծերով՝ 115, 125, 150, 180 և 230 մմ․

Որքան մեծ է անկյունահղկիչի չափսն և քաշը այնքան բարդ առաջադրանքներ կարող է հաղթահարել։

Եթե հարկավոր է կատարել միջին բարդության կենցաղային աշխատանքներ, ապա կարելի է ընտրել ակնյունահղկիչ 115 կամ 125 մմ․ տրամագծի սկավառակով։

125 մմ․ տրամագծի սկավառակով անկյունահղկիչը ամենա տարածված տարբերակն է։ Այն չափսերով՝ փոքր է, ծանր չէ, հարմարավետ է աշխատելիս, ունի բավականին հզոր պարամետրեր և ամենա կարևորը թանկ չէ։ Այս անկյունահղկիչն հարմար է և հղկման և կտրման աշխատանքների համար։

180 մմ․ տրամագծի սկավառակով անկյունահղկիչը հարմար է շինարարական աշխատանքների համար։ Այս չափը կարող է օգտագործվել հաստ խողովակների և աղյուսների կտրման համար:

230 մմ․ տրամագծի սկավառակով անկյունահղկիչը առավելագույնն է, որը կարելի է գտնել սկավառակի տրամագծի առումով: Նման գործիքով առանց մեծ ջանքերի կարելի է կտրել՝ աղյուսները, սալիկները, տախտակները, խողովակները, սակայն այն այնքան էլ համար չէ  հղկման աշխատանքների համար։

Կտրման խորությունը կախված է սկավառակի տրամագծից։

115 մմ տրամագծի սկավառակով կտրման խորությունը կազմում է ընդամենը 2,5-3 սմ․:

125 մմ․ տրամագծի սկավառակը 3,5 սմ․ խորությամբ կտրվածք կկատարի։

150 մմ․ տրամագծի սկավառակով կտրման խորությունը մոտ 4,5 սմ․ է կազմում։

180 մմ․ տրամագծի սկավառակով անկյունահղկիչը բետոնը կտրելու է 5 սմ խորության վրա:

230 մմ․ տրամագծի սկավառակով կտրման խորությունը կկազմի 6,5 -7 սմ:

Onlineshinanyut.am կայքում կան հղկող և կտրող սկավառակներ (ալմազային, մետաղի, պաբեդիտ), հղկաթղթեր և ադապտրներ (ժանգը մաքրելու խոզանակներ)։

Անկյունահղկիչի շարժիչի հզորություն. անկյունահղկիչ տան և աշխատանքի համար

Գործիքի արտադրողականությունը կախված է սարքի էլեկտրական հզորությունից։ Եթե հարկավոր է գործիքը բարդ աշխատանքների համար, ապա նույնիսկ 125 մմ․ տրամագծի սկավառակով անկյունահղկիչը ավելի լավ է վերցնել 1000-1500 Վտ․ հզորությամբ։ Ի վերջո, որքան հզորությունը բարձր է, անկյունահղկիչը այնքան լավ և կայուն կաշխատի ծանրաբեռնվածության ժամանակ: Եվ դա պետք է հաշվի առնել, որպեսզի անկյունահղկիչը ծանրաբեռնվածության հետևանքով պարզապես չվառվի։

Իսկ 230 մմ․ տրամագծի սկավառակով անկյունահղկիչի համար անհրաժեշտ է առնվազն 2000 Վտ․ հզորություն: Ի վերջո, սկավառակն ինքնին ունի քաշ, և ուժ է անհրաժեշտ այն պտտելու համար:

115 մմ․հաստ հղկող սկավառակով անկյունահղկիչ օգտագործելիս, օրինակ, եռակցումները մաքրելու համար անհրաժեշտ է ընտրել 1000 Վտ․ հզորությունից սկսած գործիք:

Անկյունահղկիչ ընտրելիս պետք է հստակ պատկերացնեք, թե ինչ աշխատանքների համար եք այն գնում: Դրանից կախված են անկյունահղկիչի պարամետրերը, սկավառակի տրամագիծը, հզորությունը, անհրաժեշտ սարքավորումները:

Անկյունահղկիչի պտույտների հաճախականությունը

Անկյունահղկիչների մեծ մասը ունեն հնարավորություն պտույտների արագությունը կարգավորելու՝ կախված օգտագործվող սկավառակի չափսից: Նկատի ունեցեք, որ մեծ տրամագծով սկավառակների պտտման արագությունն ավելի ցածր է, քան փոքր տրամագծով սկավառակներինը։ Տրամաբանությունը չափազանց պարզ է. որքան մեծ է սկավառակի տրամագիծը, այնքան մեծ է շրջագիծը, և այնքան ավելի երկար է գործիքի աշխատանքային մակերեսի երկարությունը, որը դիպչում է մշակվող մակերեսին մեկ պտույտի ընթացքում:

Սարքի լրացուցիչ հնարավորություններ

Անկյունահղկիչը կարող է ունենալ այնպիսի հնարավորություններ, որոնք կպարզեցնեն աշխատանքը: Բայց որոն՞ք են դրանք: Անկյունահղկիչի լրացուցիչ հնարավորությունների շարքում կարելի է առանձնացնել հետևյալը:

Պատյանի և բռնակի էրգոնոմիկա

Քանի որ անկյունահղկիչը ձեռքի գործիք է, աշխատանքի հարմարավետությունն ու քաշը ընտրության վերջին գործոնները չեն: Հատուկ ուշադրություն պետք է դարձնել բռնակի հարմարավետությանը, քանի որ հենց դրա օգնությամբ եք վերահսկելու կտրման և հղկման գործընթացը: Բացի այդ, բռնակը վերցնում է վիբրացիայի հիմնական մասը, ուստի շատ արտադրողներ փորձում են այն դարձնել հակավիբրացիոն:

Փափուկ մեկնարկի համակարգի առկայություն

Անկյունահղկիչը բավականին հզոր էլեկտրական գործիք է, հետևաբար, երբ այն միացված է էլեկտրական ցանցը կարող է չափազանց մեծ ծանրաբեռնվածություն զգալ: Անկյունահղկիչների սահուն մեկնարկի համակարգը օգնում է խուսափել նման մեծ ծանրաբեռնվածությունից: Ավելին, գործիքի փափուկ մեկնարկը զգալիորեն նվազեցնում է մասերի ֆիզիկական մաշվածությունը և մշակվող նյութի վնասման հավանականությունը: Նման մեկնարկով աշխատելիս վնասվածքներ ստանալու հավանականությունը նույնպես նվազում է, քանի որ միացնելիս մեխանիկական ցնցումը վերանում է:

Անկյունահղկիչների ամբողջ տեսականուն կարող եք ծանոթանալ onlineshinanyut.am կայքում։