Ի՞նչ է օդի ճնշակը և ինչպես ընտրել համապատասխան տարբերակ

Օդի ճնշակը դժվար է անվանել առօրյա առաջնահերթ պահանջված գործիք, բայց եթե դուք մասնավոր կամ գյուղական տան բնակիչ եք, սպասարկման կայանի սեփականատեր, աշխատում եք ավտոլվացման կետում կամ պատրաստվում եք վերանորոգման աշխատանքներ կատարել, ապա անհրաժեշտ է ունենալ նման սարք: Եկեք տեսնենք ինչպիսի օդի ճնշակներ են լինում և որը կհամապատասխանի ձեր աշխատանքի համար։

Բովանդակություն՝

1. Օդի ճնշակի տեսակները.

      1․1 Յուղային;

      1.2 Յուղազերծ:

2. Շահագործման սկզբունքները.

      2.1 մխոցոյին;

      2.2 պտուտակով;                                     

      2.3 պարույրով։

3. Կիրառման շրջանակը.

4. Ուղիղ և գոտիով օդի ճնշակ:

5. Տեխնիկական բնութագրերը.

Ներկայումս վաճառվում են օդի ճնշակների լայն տեսականի տարբեր արտադրողներից կողմից և տարբեր գներով: Որպեսզի չշփոթվեք բազմազանության մեջ և ձեռք բերեք իսկապես բարձրորակ սարք՝ արժե հասկանալ սարքը օգտագործելու հաճախականությունը և տևողությունը, ինչպես նաև այն նպատակները, որոնց համար այն օգտագործելու եք:

Օդի ճնշակի տեսակները

Օդի ճնշակի հիմնական նպատակն է՝ օդի մատակարարումը տարբեր օդաճնշական գործիքների, ներկերի կամ ջրի հեղուկացիրների և արտադրական սարքավորումների համար: Ընդհանուր առմամբ, բոլոր սարքերը բաժանված են յուղային և առանց յուղի, քանի որ այս երկու տեսակներն տարբերվում են իրենց նշանակությամբ:

Յուղային օդի ճնշակներ

Յուղային օդի ճնշակների առանձնահատկությունը քսանյութի ցողման համակարգն է, որը նվազեցնում է շփումը, որի հետևանքով էլ չի տաքանում: Սա բարելավում է պոմպի հերմետիկությունը և նվազեցնում մասերի մաշվածությունը: Քսայուղի առկայությունը օդաճնշական գործիքների հետ աշխատելու հիմնական պայմանն է, քանի որ այն նվազեցնում է՝ գործիքի մաշվածության աստիճանը և աղմուկի մակարդակը:

Նախքան որոշել թե որ յուղային օդի ճնշակն ընտրել պետք է հաշվի առնել, որ այս մոդելները հիմնականում օգտագործվում են վերանորոգման և ճակատային աշխատանքների համար։ Անյ օգտագործում են փոքր արդյունաբերություններում և մեքենաների վերանորոգման սրահներում: Եթե ​​Ձեզ հարկավոր է աշխատացնել լաքի ատրճանակ կամ ներկացրիչ, պետք է զգուշանալ որովհետև հնարավոր է, որ յուղը ներթափանցի ներկի մեջ: Եթե ​​չգիտեք, թե որ օդի ճնշակն ընտրեք ավտոմեքենա ներկելու համար, հիշե՛ք. Որպեսզի չփչացնենք ներկերի, լաքերի և ուղղակիորեն ավտոմեքենայի ներկման որակը, ավելի լավ է չօգտագործել յուղային օդի ճնշակ: Բացի այդ, այս սարքերը պահանջում են կանոնավոր սպասարկում: Անհրաժեշտ է պարբերաբար փոխել օդային զտիչները և վերահսկել յուղի մակարդակը։

Յուղազերծ օդի ճնշակներ

Այն կարծիքը, որ յուղազերծ օդի ճնշակները ընդհանրապես յուղ չեն օգտագործում, սխալ է։ Պարզապես նման սարքերը չեն խառնում յուղի և օդի հոսքերը՝ դրանք բաժանելով տարբեր ալիքների։ Պարզ խոսքերով՝ յուղը չի շփվում մատակարարվող օդի հետ։ Հետևաբար, յուղազերծ օդի ճնշակներները հարմար են այն աշխատանքի համար, որը պահանջում է բացարձակ մաքուր օդ: Դրանք օգտագործվում են նկարչական արտադրամասերում, ինչպես նաև կահույքի արտադրության համար։

Նման սարքերը հաճախակի սպասարկում չեն պահանջում և չափերով և քաշով ավելի փոքր են յուղային սարքերի համեմատ:

Օդի ճնշակի շահագործման սկզբունքները

Գոյություն ունեն օդի ճնշակների բազմաթիվ տարբերակներ, որոնք տարբերվում են իրենց աշխատանքի սկզբունքով։ Դիտարկենք հիմնականները՝

Մխոցային օդի ճնշակ

Այս սարքերում էլեկտրական շարժիչով աշխատող մխոցները սեղմում են օդը և ուղղում դեպի ընդունիչ (պարզ բառերով ասած՝ դեպի բաք)։ Լավ մխոցային մոդելների առավելություններն են՝ սպասարկման և վերանորոգման հեշտությունը, ինչպես նաև մատչելի գինը: Որոշ տեսակի մխոցային օդի ճնշակների աշխատանքի ժամկետը կարող է լինել տասնյակ հազարավոր ժամ:

Պտուտակով օդի ճնշակ

Պտուտակով օդի ճնշակներն ավելի քիչ էներգիա են սպառում, բայց ապահովում են բարձր ճնշման մակարդակ: Այս տեսակի հիմնական առավելությունը նրա բարձր ծառայության ժամկետն է: Մխոցային մոդելների հետ համեմատած պտուտակային մոդելներն ավելի դժվար է սպասարկել:

Պարույրով օդի ճնշակ
Օդի սեղմումը տեղի է ունենում պարույրների օգնությամբ ։ Այս տեսակի օդի ճնշակներում ռոտորի առանցքները գտնվում են անկյան տակ, այլ ոչ թե զուգահեռ, ինչպես նախորդ մոդելը: Դրա շնորհիվ սարքն ունի ավելի փոքր չափսեր, բայց ավելի բարդ կառուցվածք ։ Նման տեխնիկական ցուցանիշներից ելնելով սարքի սպասարկումն ավելի բարդ է:

Կենցաղային և կիսապրոֆեսիոնալ օգտագործման մեջ ամենատարածվածը մխոցային օդի ճնշակներն են։ Նման սարքերն ունեն շահագործման բավականին պարզ սկզբունք, չեն պահանջում բարդ և թանկ վերանորոգում։ Ուստի դրանք ընտրվում են փոքր առևտրային ձեռնարկությունների և շատ սեփականատերերի կողմից, ինչպես նաև հաճախ օգտագործվում են շինարարության կամ վերանորոգման մեջ:

Օդի ճնշակի կիրառման շրջանակը

Մխոցային օդի ճնշակների մոդելները տարբերվում են՝ շարժիչի տեսակով, մխոցների քանակով և ընդունիչի ծավալով: Նախքան տան և ավտոտնակի կամ պրոֆեսիոնալ գործնեության համար օդի ճնշակ ընտրելը հարկավոր է հասկանալ, թե օդի ճնշակով  կոնկրետ ինչ աշխատանքներ են կատարվելու, որպեսզի կարողանաք ընտրել ձեր պահանջներին համապատասխան ճիշտ մոդել։

Մխոցային սարքերը օգտագործվում են՝ էլեկտրակայաններում, ինժեներական և պողպատի արդյունաբերություններում ինչպես նաև տեքստիլ արդյունաբերության մեջ։ Դրանք նախատեսված են բալոնների լիցքավորման համար, օգտագործվում են՝ օդաճնշական վերելակներ և օդաճնշական գործիքներ օգտագործելիս, գործարաններում և սպասարկման կայաններում: Բոլոր օդի ճնշակները աշխատում են 220 Վ․ վարդակից:

Ուղիղ և գոտիով օդի մատակարարման ճնշակներ. Ո՞ր մխոցային օդի ճնշակն ընտրել

Ըստ շարժիչի մատակարարման, առանձնանում են ուղիղ և գոտիով օդի ճնշակները: Նրանց տարբերությունը կայանում է մխոցային բլոկը և ուղիղ ծնկաձեւ լիսեռը շարժիչին միացնելու առանձնահատկությունների մեջ՝ ուղիղ կամ գոտիով միացված ճախարակի միջոցով։ Սարքավորուման տեսակից է կախված՝ աշխատանքային ռեսուրսը, շահագործման ընթացքում դրա տաքացումն և համապատասխանաբար ծառայության ժամկետը։

Ուղիղ օդի մատակարարման ճնշակներ. առավելություններն ու թերությունները

Ուղիղ մատակարարման սարքերը ավելի արագ են մղում օդը, բայց նաև արագորեն գերտաքանում են, ինչը նվազեցնում է դրանց աշխատանքի տևողությունը:

Առավելությունները՝

• արագորեն մղում է օդը;
• ունի թեթև քաշ;
• կոմպակտ չափսեր;
• էներգախնայող է.

Այս մոդելների թերությունները ներառում են՝ օգտագործման փխրունությունը (համեմատած գոտիով տարբերակների հետ), անխափան երկարատև շահագործման անկարողությունը։ Ուստի սարքավորումները հարմար չեն այն առաջադրանքների համար, որոնց համար կարող է անհրաժեշտ լինել երկարատև օդի օգտագործում:

Թերությունները՝

• արագ գերտաքացում;
• հարմար չէ երկարատև աշխատանքի համար:

Գոտիով օդի մատակարարման ճնշակներ. առավելություններն ու թերությունները

Գոտիով օդի մատակարարման ճնշակներն ավելի դանդաղ են մղում օդը, բայց նախատեսված են ավելի երկար առաջադրանքների համար:

Հզոր շարժիչի հետ համակցված սարքավորման արդյունավետությունը կրկնապատկվում է։ Գոտիով շարժիչի բարձր պտույտի ուժը մխոցների աշխատանքն դարձնում է ավելի արագ։ Այս օդի ճնշակներն նախատեսված են՝ բարձր ջերմաստիճաններում և ծանր պայմաններում աշխատելու համար: Գոտու մեխանիզմը նաև ի վիճակի է իջեցնել արագությունը շարժիչի սառեցման համար, ինչը օգտակար է երկար աշխատանքի ժամանակ: Հարկ է նաև նշել, երբ որ մխոցը խցանվում է, գոտին կոտրվում է՝ բացառելով շարժիչի վնասվելը: Այս ամենը մեծացնում է օդի ճնշակի կատարողական հատկությունները։

Առավելությունները՝

• բարձր արտադրողականություն;
• առկա է օդի սառեցման սկզբունքը;
• շարժիչի խափանման ցածր հավանականություն;
• նախատեսված է ծանր պայմաններում երկարատև աշխատանքի համար:

Թերություններն այս մոդելների չափերն են՝ ուղիղ օդի ճնշակների համեմատ: Տեղադրման համար ձեզ հարկավոր է հարթ մակերես, քանի որ անհավասար մակերևույթի վրա օդի ճնշակը ենթակա է աճող վիբրացիայի: Դուք նաև պետք է մշտապես վերահսկեք գոտու վիճակը (այն հաճախ անհրաժեշտ է փոխարինել), և կարող է պահանջվել օդի ճնշակի բարդ սպասարկում:

Թերություններ՝

• դանդաղ օդի մղում;
• ծանր քաշ;
• մեծ չափսեր;
• գոտու վիճակի վերահսկում:

Տեխնիկական բնութագիր

Օդի ճնշակի տեխնիկական բնութագրին ծանոթանալիս, բացի հզորությունից պետք է նաև ուշադրություն դարձնել՝ օդի արտադրողականությանը և ընդունիչի ծավալին։

Մխոցների քանակը

Բոլոր օդի ճնշակները բաժանված են 1, 2 և 3-մխոցի, ինչը ազդում է սարքավորումների աշխատանքի վրա: Մխոցների քանակից է կախված օդի արտադրողականության չափսը։ Ինչքան շատ է մխոցների քանակը այդքան ավելի բարձր է օդի արտադրողականությունը։ Համապատասխանաբար, օդի ճնշակի էներգիայի սպառումը կլինի ավելի բարձր:

Օդի ճնշակի ընդունիչի ծավալը

Հարկ է նշել, որ մեխանիզմի տեսակը միակ ցուցանիշը չէ, որին պետք է ուշադրություն դարձնել օդի ճնշակ ընտրելիս։ Նախ պետք է որոշեք ընդունիչի ծավալը: Ավելի մեծ ընդունիչում օդի մատակարարումը մեծանում է և համապատասխանաբար, մեծանում է կատարված առաջադրանքների ծավալը: Մեծ ծավալով ընդունիչը ստիպված չեք լինի հաճախակի անջատել, և դրա աշխատանքային ժամկետն ավելի երկար կլինի։

Ընդունիչի փոքր ծավալով (մինչև 50 լիտր) ուղիղ մեկ մխոցով սարքերը հարմար են կենցաղային խնդիրների լուծման համար։ Օգտագործվում են՝ անիվները փչելու, ավտոմոբիլային մասեր ներկելու, տարբեր դիզայներական աշխատանքների համար և այլն: Նման օդի ճնշակներն ունեն կոմպակտ չափսեր և թեթև քաշ, ինչը նրանց դարձնում է խնայող և հեշտ շահագործվող: Հզոր գոտիով սարքերն (մինչև 100 լիտր ընդունիչի ծավալով) օգտագործվում են արդյունաբերության մեջ՝ երկարաժամկետ մասնագիտական ​​և կիսապրոֆեսիոնալ խնդիրներ լուծելու համար։

Դե՛ ինչ, արդեն գիտեք ինչպես ընտրել ձեր աշխատանքին համապատասխան ճիշտ օդի ճնշակ ։ Օդի ճնշակիների տեսականուն կարող եք ծանոթանալ մեր կայքում www.onlineshinanyut.am: