Գարուն է այգում. Ո՞ր սարքն ընտրել՝ խոտերը կտրելու համար

Սիզամարգերի խնամքն այն խնդիրներից է, որին պարբերաբար բախվում են այագեգործները: Լավ սիզամարգ է համարվում այն, որը պարբերաբար հնձվում է: Նախկինում խոտը կտրում էին մանգաղով, իսկ այժմ դրա համար կա երկու տեսակի սարքավորում այգեգործական տրիմեր և խոտհնձիչ սարք։ Չնայած նույն նպատակին, այս սարքերն ունեն տարբեր կոնֆիգուրացիաներ և արտաքին տեսք: Նրանք տարբերվում են իրենց ֆունկցիոնալությամբ և օգտագործման առանձնահատկություններով: Ո՞րն ընտրել՝ խոտհնձիչ թե՞ այգեգործական տրիմեր:

Ինչպիսի այգեգործական տրիմեր են լինում

Գոյություն ունի այգեգործական տրիմերների երկու հիմնական կատեգորիա՝

• Էլեկտրական
• Բենզինային

Այս երկու տեսակների շահագործման սկզբունքը նույնն է. Շարժիչը հանգեցնում է լիսեռի պտտմանը, որը փոխանցում է պտտվող ուժը աշխատանքային մասին՝ կտրող սկավառակին, դանակին կամ կտրող թելին:

Նրանք կատարում են նույն գործառույթը, բայց տարբերվում են շարժիչի տեսակով: Նրանցից յուրաքանչյուրն ունի իր առանձնահատկությունները, որոնց ընտրելու դեպքում պետք է ուշադրություն դարձնել։

Այգեգործական բենզինային տրիմեր

Բենզինային տրիմերները աշխատում են ներքին այրման շարժիչով։ Ամենից հաճախ կարելի է գտնել երկու մխոց շարժիչով մոդելներ, սակայն երբեմն հանդիպում են նաև չորս մխոց շարժիչով տրիմերներ։ Տարբերությունն այն է, որ երկու մխոցով շարժիչում բենզինն ու յուղը խառնվում և լցվում են միասին, մինչդեռ չորս մխոցով շարժիչում յուղի համար նախատեսված է առանձին տարա: Բայց լինում են նաև չորս մխոցով շարժիչներ, որոնք աշխատում են նաև յուղի և բենզինի խառնուրդով:

Բենզինային տրիմերների հզորությունը ավելի բարձր է, քան էլեկտրական մոդելներինը այդ իսկ պատճառով կարող են հաղթահարել մեծ ծավալի աշխատանքներ:

Բենզինային տրիմերի առավելությունները՝

• Բենզինային տրիմերները կարող են համալրվել մետաղական շեղբերով, ինչը զգալիորեն ընդլայնում է սարքի ֆունկցիոնալությունը:
• Բենզինային տրիմերը ինքնավար է և կարող է օգտագործվել առանց էլեկտրական ցանցի առկայության:
• Բենզինային մոդելներն ունեն բարձր աշխատանքային ժամանակ՝ առանց ընդհատումների:
• Այս մոդելներն ունեն բարձր արդյունավետություն և կարող են աշխատել բարձր ծանրաբեռնվածության պայմաններում:
• Բենզինային տրիմերը հնարավորություն է տալիս կարգավորել կտրող շեղբերների հզորությունը և պտտման արագությունը:

Այգեգործական էլեկտրական տրիմեր

էլեկտրական տրիմերներն լինում են ցանցային և մարտկոցով։ Սրանք էկոլոգիապես մաքուր են, ավելի քիչ աղմուկ են բարձրացնում, բայց ավելի քիչ հզորություն ունեն: Այս տարբերակն սովորաբար ընտրում են փոքր խոտածածք տարածքները խնամելու համար։

Էլեկտրական տրիմերի առավելությունները՝

• Էլեկտրական շարժիչը արտանետումներ չի առաջացնում, հետևաբար չի վնասում շրջակա միջավայրին:
• Ի տարբերություն ​​բենզինային տրիմերի, էլեկտրական տրիմերը շատ ավելի անաղմուկ է: Սա դրական որակ է բնակելի թաղամասերում կամ երեկոյան ժամերին աշխատելու համար։

Ինչպիսի խոտհնձիչներ են լինում

Խոտհնձիչներն լինում են՝ էլեկտրական և բենզինային։ Էլեկտրական խոտհնձիչներն իրենց հերթին բաժանվում են՝ ցանցային և մարտկոցով:

Էլեկտրական խոտհնձիչ

Էլեկտրական խոտհնձիչներն լինում են` ցանցային և մարտկոցով։ Այս տարբերակը էկոլոգիապես մաքուր է և համեմատաբար անաղմուկ։ Ցանցային տարբերակը նախատեսված է փոքր տարածքների համար` ինչքան որ թույլ կտա լարի երկարությունը։ Մարտկոցով խոտհնձիչների հիմնական առավելությունն ինքնավարությունն է և մանևրելու ունակությունը: Պետք է հիշել սարքի շարունակական շահագործման առավելագույն տևողությունը, որն ուղղակիորեն կախված է մարտկոցի հզորությունից։

Բենզինային խոտհնձիչ

Բենզինային խոտհնձիչները ավելի հզոր են: Նրանք ինքնավար են և կարող են երկար ժամանակ աշխատել՝ կտրելով նույնիսկ հաստ ու բարձր խոտերը։ Բենզինային խոտհնձիչները մանևրելու առումով զիջում են էլեկտրականներին՝ իրենց ավելացած քաշի և չափսերի պատճառով։ Այս տարբերակն աշխատանքում ավելի աղմկոտ է, և իր հետ աշխատելը ներառում է արտանետումներ մթնոլորտում:

Պետք է ասել, որ բոլոր թերությունները լիովին փոխհատուցվում են նրանով, որ բենզինային խոտհնձիչները լավագույն տարբերակն են նույնիսկ ամենամեծ սիզամարգերը արագ կտրելու համար: Նրանք կկարողանան անել այնպիսի աշխատանք, որը մյուս տեսակները չեն կարող հաղթահարել:

Բենզինային խոտհնձիչը պահանջում է պարբերաբար սպասարկում, լիցքավորում՝ բենզինով և յուղով:

Խոտհնձիչի առավելությունները.

• Խոտհնձիչի օգնությամբ դուք կարող եք կտրել մեծ խոտածածկ տարածքներ նվազագույն ջանքերով: Խոտհնձիչները օգտագործվում են սպորտային դաշտերի և այլ խոշոր մակերեսների վրա աշխատելու համար:
• Խոտհնձիչներն ունեն կտրվող խոտի բարձրությունը կարգավորելու հնարավորություն։ Նրանց օգնությամբ դուք կարող եք հասնել այնպիսի արդյունքի, որ ողջ տարածքում խոտն ունենա նույն բարձրությունը:

Ո՞րն ընտրել, ո՞րն է ավելի լավ՝  այգեգործական տրիմերը թե՞ խոտհնձիչ սարքը:

Այս հարցին չի կարելի միանշանակ պատասխանել։ Ամեն ինչ կախված է առաջադրանքից և աշխատանքային պայմաններից: Այգեգործական տրիմերները օգտագործվում են փոքրածավալ աշխատանքների համար, դժվար տեղանքում և դժվարամատչելի վայրերում: Իսկ խոտհնձիչները կարող են մշակել մեծ և հարթ տարածքներ՝ ամբողջ տարածքում ապահովելով խոտի միատեսակ բարձրություն:

Այգեգործական տրիմերների և խոտհնձիչների ամբողջ տեսականուն կարող եք ծանոթանալ այստեղ։