Ավտոմեքենայի փոշեկուլ. Չափանիշներ, որոնք արժե իմանալ գնելուց առաջ

Ավտոմեքենա ունենալը իրենից բխում է բազմաթիվ պարտականություններ: Դրանցից մեկը ավտոմեքենայի ներսի մաքրության պահպանումն է։ Ավազի, փոշու, սննդի մանր փշրանքները՝ սրանք աղտոտող նյութերի մի մասն են, որոնք ամեն օր նստում են աթոռների, գորգերի և այլ հատվածների վրա: Սովորական կենցաղային փոշեկուլ օգտագործելը կարող է անհարմար լինել, և հաճախ ուղղակի մուտք չկա հոսանքի աղբյուրին: Ահա, որտեղ օգնության է գալիս ավտոմեքենայի փոշեկուլը:

Ավտոմեքենայի փոշեկուլի տեսակները

Ավտոմեքենայի փոշեկուլը նախատեսված է՝ ավտոմեքենայի սրահի մաքրությունը պահպանելու համար, այն մտնելով բոլոր անկյունները մանրակրկիտ մաքրում է սրահը: Այն ի տարբերություն կենցաղային փոշեկուլի ունի՝ կոմպակտ չափսեր, թեթև է և թույլ է տալիս արագ հեռացնել աղբը: Փոշեկուլ գնելուց առաջ պետք է հաշվի առնել մի քանի չափանիշներ, ինչպիսիք են՝ փոշեկուլի տեսակը, փոշեկուլի լրացուցիչ հնարավորությունները և պարագաները: Սկսենք փոշեկուլների տեսակներից։

Շուկայում առկա են երկու հիմնական տեսակներ՝

• Ավտոմեքենայի անլար փոշեկուլը հարմար լուծում է, որը թույլ է տալիս ազատորեն մաքրել ավտոմեքենայի սրահը՝ առանց հոսանքի աղբյուրին միանալու: Այս տեսակի անլար ավտոմեքենայի փոշեկուլ ընտրելիս պետք է ուշադրություն դարձնել՝ մարտկոցի հզորությանը, մեկ լիցքավորման ժամանակ աշխատելու ժամանակահատվածին և լիցքավորման ժամանակին: Մարտկոցի լիցքավորման ցուցիչի առկայությունը նույնպես օգտակար կլինի:

• Ավտոմեքենայի լարով փոշեկուլը համեմատած անլար մոդելների հետ, ավելի քիչ ազատություն է տալիս շարժման մեջ։ Սակայն աշխատանքի ժամանակը չի սահմանափակվում մարտկոցի հզորությամբ, ինչպես անլար սարքերի դեպքում: Հաճախ լարով փոշեկուլները գնով ավելի մատչելի են լինում, քան իրենց անլար տեսակները: Լարով մոդելներն առավել հաճախ սնուցվում են 12 Վ․ ավտոմեքենայի վարդակից։ Ցանցից աշխատող ավտոմեքենայի փոշեկուլները ավելի քիչ են տարածված:

Լավ ավտոմեքենայի փոշեկուլի հիմնական առանձնահատկությունները

Փոշեկուլի տեսակը ընտրելը առաջին քայլն է, որից հետո պետք է հաշվի առնել փոշեկուլների այն չափանիշները, որոնք ազդում են աշխատանքի արդյունավետության վրա և մեծացնում են փոշեկուլի ֆունկցիոնալությունը: Դրանցից ամենակարևորներն են.

Ներծծման ուժ կամ ներծծման հզորություն

Փոշեկուլի այս երկու չափանիշներն էլ մեզ հուշում են տվյալ սարքի կողմից առաջարկվող արդյունավետության մասին։ Ներծծման ուժը բացասական ճնշում է, որի արժեքը տրվում է կիլոպասկալներով (կՊա)։ Իսկ ներծծման հզորությունը հաշվի է առնում ինչպես օդի հոսքը, այնպես էլ ներծծող ուժը, որն արտահայտվում է աերովատներով (AW): Անշուշտ բարձր ներծծման հզորությամբ մեքենայի փոշեկուլն ավելի լավ կկատարի ախտոտման հեռացնելու գործընդացը: Ավտոմեքենաների փոշեկուլների համար խորհուրդ է տրվում, որ դրա արժեքը լինի առնվազն 2 կՊա, մինչդեռ հզոր ավտոմեքենայի փոշեկուլն այն է, որի ներծծման ուժը կլինի 4-6 կՊա միջակայքում:

Արժե իմանալ․

Ներծծման ուժը և հզորությունը չպետք է շփոթել բուն սարքի հզորության հետ, որը արտահայտում է շարժիչի գնահատված հզորությունը:

Մալուխի երկարությունը (լարով փոշեկուլների համար) կամ մարտկոցի շարունակական աշխատանքը (անլար փոշեկուլների համար)

Լարով փոշեկուլի մալուխի երկարությունը պետք է բավարար լինի, որպեսզի հեշտությամբ հասնի ավտոմեքենայի բոլոր անկյուններին: Դա հատկապես կարևոր է հաշվի առնել, երբ պետք է մաքրել չափսերով մեծ ավտոմեքենա և կա ընդամենը մեկ լարը միացնելու հնարավորություն՝ ավտոմեքենայի վարդակից: Ստուգեք ձեր ավտոմեքենայի երկարությունը և ընտրեք բավականաչափ երկար լարով փոշեկուլ:

Մեքենայի անլար փոշեկուլը պետք է երաշխավորի մարտկոցի շարունակական աշխատունակությունը առնվազն 15 րոպե՝ ավտոմեքենայի սրահի հանգիստ մաքրումն ապահովելու համար: Այնուամենայնիվ, եթե մենք նախատեսում ենք օգտագործել փոշեկուլը ավտոմեքենայի խորը մաքրման համար կամ, եթե ունենք ավելի մեծ ավտոմեքենա, ապա արժե ընտրել ավելի մեծ մարտկոցի հզորությամբ փոշեկուլ։ Գնելուց առաջ արժե մոտավոր պատկերացնել, թե որքան ժամանակում ենք մաքրում ավտոմեքենան և ընտրել մեկ լիցքավորումով բավարար աշխատանքային ժամանակով փոշեկուլ։

Փոշեկուլի քաշը

Չնայած սա ամենակարևոր չափանիշը չէ, այն կարող է փոխել օգտագործողի հարմարավետությունը։ Հատկապես երկար մաքրման ժամանակ և պետք է հիշել, որ ավտոմեքենայի փոշեկուլը ձեռքի փոշեկուլ է, որը պահվում է մի ձեռքում: Ավտոմեքենայի փոշեկուլի օպտիմալ քաշը կախված է անհատական նախասիրություններից և կարիքներից։ Սակայն կարելի է ենթադրել, որ մինչև 1 կգ․ քաշ ունեցող փոշեկուլները կլինեն օպտիմալ ընտրություն:

Փոշեկուլի աքսեսուարներ

Շատ փոշեկուլներ ունեն լրացուցիչ աքսեսուարներ, որոնք հեշտացնում և արագացնում են ավտոմեքենայի մաքրումը: Հիմքը խորշի գլխադիրներն են, որոնք թույլ են տալիս հասնել ավտոմեքենայի թաքնված անկյուններին։ Ճկուն խողովակը նույնպես հարմար կլինի, որը թույլ կտա հեշտությամբ մուտք գործել այն տարածքները, որոնց ստանդարտ գլխադիրներն չեն կարող հասնել։ Օրինակ՝ նստատեղերի տակ գտնվող հատակը:

Ավտոմեքենայի փոշեկուլների լրացուցիչ գործառույթներ

Ավտոմեքենայի ճիշտ փոշեկուլ ընտրելը ոչ միայն ներծծման ուժի կամ հզորության տեսակի հարց է, այլ նաև առկա լրացուցիչ հնարավորությունների, որոնք կարող են զգալիորեն բարելավել մաքրման հարմարավետությունն ու արդյունավետությունը: Ավտոմեքենայի փոշեկուլները առաջարկում են մի շարք լուծումներ, որոնք հեշտացնում են ավտոմեքենայի սրահի մաքրության պահպանումը: Դրանցիծ են՝ ֆիլտրի տեսակը, չոր և թաց շահագործումը, ներկառուցված LED լուսավորությունը, անվադողերի փչող օդաճնշակը և տուրբո խոզանակները։ Այս լուծումները մաքրումը դարձնում են՝ ավելի արագ, ճշգրիտ և ավելի քիչ հոգնեցուցիչ: Ստորև բերված են ավտոմեքենաների փոշեկուլների որոշ առանձնահատկություններ, որոնց վրա պետք է ուշադրություն դարձնել.

• Զտիչներ. դրանք անպայման պետք է լինեն փոշեկուլում, որպեսզի փոշին չներծծվի սարքի մեջ: Ստանդարտ զտիչներն որսում են աղբի մեծ մասնիկներ, բայց ամենա արդյունավետը HEPA զտիչներն են՝ որոնք որսում են նաև ավելի փոքր մասնիկներ։ Ինչպիսիք են ծաղկափոշին և ալերգենները, ինչը հատկապես կարևոր է ալերգիա ունեցող մարդկանց համար: Լավ տարբերակ է ընտրել լվացվող զտիչով հագեցած փոշեկուլ, որը փոխարինման կարիք չունի, այլ միայն պետք է մաքրել և լվանալ հոսող ջրի տակ։

• Չոր և թաց մաքրման հնարավորություն. չոր և թաց մաքրման հնարավորությամբ փոշեկուլը թույլ է տալիս ոչ միայն ներծծել փոշին և աղբը, այլ նաև ներծծել փոքր քանակությամբ թափված հեղուկը: Հարմար է, օրինակ՝ թափված սուրճի, հյութի կամ ջրի մաքրման համար։

• Ներկառուցված օդաճնշակ․ այս տարբերակով փոշեկուլը թույլ է տալիս նաև մղել օդը, ինչը կարող է օգտակար լինել՝ ներքնակների, գնդակների, անվադողերի կամ այլ փչվող առարկաների փչման համար:

• Լուսավորություն․ Ներկառուցված LED լույսերը հեշտացնում են ավտոմեքենայի մաքրումը մթության մեջ և դժվար հասանելի վայրերում, ինչպիսիք են՝ նստատեղերի տակի հատվածը, բեռնախցիկը կամ ներքին պահեստը:

• Տուրբո խոզանակ․ հատուկ խոզանակ է պտտվող գլանով և սեփական շարժիչով: Տուրբո խոզանակները բարելավում են փոշեկուլի աշխատանքը նույնիսկ բավականին ցածր ներծծման չափանիշների դեպքում: Դրանք հատկապես լավ են ընտանի կենդանիների մազերն գորգերից հեռացնելու համար:

Ի՞նչ ավտոմեքենայի փոշեկուլ ընտրել

Առաջարկվող մոդելներ՝

Ավտոմեքենայի փոշեկուլ STHOR 82970 տուրբո լիցքավորիչով 

Սա հզոր ավտոմեքենայի փոշեկուլ է: Այն առանձնանում է իր հզոր 5,5 կՊա ներծծման ուժով: Հագեցած է մետաղական HEPA զտիչով, որն ապահովում է արդյունավետ զտում և հեշտ մաքրում։ Ինչպես նաև ավտոմատ տուրբո խոզանակ՝ LED լույսերով: Այս մոդելը լավ է հաղթահարում կոշտ աղբը նույնիսկ դժվար հասանելի վայրերում: Հզոր 2600 մԱ/ժ հզորությամբ լիթիում-իոնային մարտկոցի շնորհիվ փոշեկուլը անընդմեջ աշխատում է 15-18 րոպե, ինչը թույլ է տալիս ամբողջությամբ մաքրել ամբողջ ավտոմեքենան:Այս փոշեկուլն ունի՝ կոմպակտ չափսեր, թեթև է և անլար, այն նաև իդեալական է որպես տնային լրացուցիչ փոշեկուլ: Ցիկլոնային տեխնոլոգիան, չոր և թաց աշխատելու ունակությունը և գործնական աքսեսուարների հավաքածուն այն դարձնում են ավտոմեքենայի մաքրությունը պահպանելու անփոխարինելի գործիք:

Ավտոմեքենայի փոքր փոշեկուլ LUND 82955
Այս փոշեկուլը իդեալական է նրանց համար, ովքեր փնտրում են թեթև և հարմար գործիք իրենց ավտոմեքենան մաքրելու համար: 4,5 կՊա բացասական ճնշումն ապահովում է աղբի արդյունավետ հեռացում, իսկ ներառված երեք գլխադիրները հեշտացնում են՝ պաստառագործության, ճեղքերի և այլ մակերեսների մաքրումը: Ավտոմեքենայի փոշեկուլը, որն աշխատում է լիթիում-իոնային մարտկոցով, ապահովում է շահագործման երկար ժամանակ։ Մինչ դեռ բազմակի օգտագործման HEPA զտիչն ապահովում է օդի արդյունավետ զտում: Փոքր չափսերը և USB լիցքավորման հնարավորությունը այս փոշեկուլը դարձնում են իդեալական ճանապարհորդության համար:

Ավտոմեքենայի մատչելի փոշեկուլ STHOR 82952
STHOR մեքենայի այս տեսակի փոշեկուլը չի առաջարկում այնքան ներծծման հզորություն, որքան թոփ մոդելները։ Բայց դա կարող է լինել լրացուցիչ սարք, որը մենք միշտ ունենք ձեռքի տակ: Սա օգտակար կլինի, օրինակ՝ հանգստի ժամանակ տեղական աղբը հեռացնելու, սովորական մաքրման կամ մեքենայի սրահն արագ մաքրելու համար: Այն սնուցվում է 12 Վ․ ավտոմեքենայի վարդակից և պատրաստ է օգտագործման ցանկացած պահի, ինչպես ճանապարհորդության ժամանակ, այնպես էլ առօրյա կյանքում: Բացի այդ, այն հագեցած է HEPA զտիչով և լրացուցիչ պարագաներով, այդ թվում՝ 38 սմ․ ճկուն խողովակով:

Ավտոմեքենայի փոշեկուլ օդաճնշակով
Ավտոմեքենայի փոշեկուլ և օդաճնշակ մեկում. Սա այսպես կոչված «էլեկտրական ավտոմեքենայի փոշեկուլ է», որը սնուցվում է 12 Վ․ ավտոմեքենայի վարդակից: Այն հեշտ է օգտագործել, առանց պարկի է և ունի 4,2 մ․ հոսանքի լար՝ ազատ տեղաշարժվելու համար: 120 Վտ․ հզորությամբ և 150 PSI առավելագույն ճնշմամբ օդաճնշակը ապահովում է անվադողերի և այլ բաղադրիչների արագ և արդյունավետ փչումը: Բացի այդ, LED լամպը հեշտացնում է աշխատանքը նույնիսկ մութն ընկնելուց հետո: Այս բազմակողմանի աքսեսուարների հավաքածուն, ներառյալ մի շարք գլխադիրներ և ճկուն խողովակներ` կդարձնեն ձեր ավտոմեքենայի մաքրումը հեշտ և հարմար ինչպես ճանապարհորդության, այնպես էլ ամենօրյա օգտագործման համար:

Ավտոմեքենայի փոշեկուլների տեսականուն ավելի մանրամասն կարող եք ծանոթանալ onlineshinanyut.am կայքում։